الحل الاكيد للماكيين الي يستخدمو النت عن طريق بروكسي - برنامج Authoxy

[sophto_92]

السلام عليكم

المشكلة:
====
عانيت انا ومجموعه من الطلاب الي يستخدمو الماك في الجامعه،، لمن ادخل بالسفاري على الفيس بوك يعلق على طول ويخرج، ولمن احاول ادخل الماسنجر مااقدر بكل بساطه اي شي فيه HTTPS يعلق السفاري معااه...

بحثت لفتره في الشيخ جوجل مع انو الجميع قالو انو الماسنجر مايتشغل في الجامعة ولا سكايب للي يستخدمو الماك :aa_haa:.... واخيرا حصلت البرنامج الحبيييب الصغير دا ... طلع انو ناس في الجامعات التانيه عندهم نفس المشكله ، لكن برنامج Authoxy
حل المشكله ولله الحمد...

دحين انا اتصفح كل شي من السفاري وادخل الماسنجر وسكايب والفيس بوك والهوتميل والحمد لله بسط وهز وسط..

طريقة استخدام البرنامج:
==========
١- حمل البرنامج من هنا

click here

٢- نزل البرنامج كأي برنامج امشي مع الخطوات... وممكن تستفيدو من شرح الاستاذ خالدكم هنا

٣- راح تحصل البرنامج موجود في Application Folder ..وكمان راح تحصلو موجود في System Preferences

Click for full size - Uploaded with plasq's Skitch

٤- اعمل زي مافي الصورة، وبعد ماتخلص اضغط على Show All وتابع..

Click for full size - Uploaded with plasq's Skitch

٥- تابع..

Click for full size - Uploaded with plasq's Skitch

٦- اختار اتصالك وتابع الصوره..

Click for full size - Uploaded with plasq's Skitch

٧- سوي الاعدادات الي في الصوره لكل من HTTP و HTTPS..

Click for full size - Uploaded with plasq's Skitch

٨- اضغط على Apply

٩- خلاص كل شي زابط ،، ودحين تقدر تدخل بالسفاري على جميع المواقع الي تستخدم HTTPS زي الفيس بوك وغيرها...
:aa_clab::aa_clab:
********************

الماسنجر & سكايب:
=========
بالنسبة للماسنجر الي جربتو واشتغل معاايا هو Microsoft Messenger: Mac
الي تسويه بالنسبة للي يستخدمو Socks زينا في الجامعه نفس الي في الصوره :

Click for full size - Uploaded with plasq's Skitch

اما سكايب مايحتاج اعدادات على طول يشبك معاك ...

مشكله::aa_anger:
=====
طبعا المشكله الوحيده اني ماعرفت كيف احفظ الاعدادات حقت البرنامج Authoxy عشان مايحتاج اسويها كل مره اعيد التشغيل
الي يعرف ياريت يقولنا على الطريقه.


ان شاء الله يكون عجبكم الشرح وافدت الي كان عندو نفس المشكله... ومعليش على استخدام الانجليزي في الصور لكن اتوقع مفهومه للجميع..:aa_smile:
ونشوفكم في موضوع تاني ، ولاتنسو تكتبو تعليقكم علي الدرس وادا في مشاكل،،،:aa_okik:

تحياتي
:aa_bye:

​

 

[aMadi]

استغرب كلامك بأن السفاري لا يستطيع تصفح الفيس بوك مع اني لم اواجه هذه المشكله ابدً وكذلك المسنجر شغال عندي؟؟

لكن هذا مايمنع انه البعض احتمال يواجهون المشكله خصوصاً طلاب الجامعات زي ماقلت ولا يمنع كذلك ان اشكرك علي البرنامج هذا والشرح الجميل اللي ان شاء الله يستفيد منه اخواننا الاعضاء.

شكراً اخي sophto_92

اخوك​

 

[sophto_92]

شكرا لك يالغالي aMadi على مداخلتك
وبالفعل المشكلة موجودة بس ادخل على الهوتميل ولا الفيس بوك واضغط login على طول السفاري يسير له كراش ويقفل ،،، لكن بالبرنامج دا ماعندي مشاكل..

وعلى فكره لمن ارجع عند اهلي مافي بروكسي هناك كل شي يكون شغال زي الحلاوه ...

تحياتي

 

[iKING ALL THING]

يارجال الجامعات السعودية حدها وندوز 95 ويخب عليها

ثلاث شهور رايحن جايني عشان يطبعوا شهاده التخرج

 

[sophto_92]

ههههههههههههه لا لايفوتك جامعتنا ماشاء الله سوو فلسفه وقالو خلينا نطور السيرفرات لنظام الاجدد... المهم قاعدين يخبصو ويجربو الين ماخلصو
من بعدها دحين لنا تقريبا ٨ شهور والنت عندنا لايطااق مرره بطييئ كلو بسبب الفلسفه

تحياتي

 

[مثلج]

يعطيك العافيه اخوي

 

[pro_ae]

sophto_92 شكرا علا الشرح الغالي

 

[Diamond Ice]

عزيزي Sophto_92

لو نزلت البرنامج هذا هل استطيع فتح المسينجر وبرامج التورنت والP2P ؟​

 

[sophto_92]

على حسب :hmmm: ،،
يعني هل التورنت مسموح بيه عندك في البروكسي؟ او بمعنى اخر انتا تقدر تدخل على الماسنجر وتستخدم برامج التورنت من اول يعني بورتاتها مسموحه ولا لا؟

لان وظيفة البرنامج هدا مو انو برنامج بروكسي يفتح لك الاشياء زي مثلا في الويندوز في برنامج اسموFreedom بخليك تشغل كل شي ممنوع لانو يتصل ببورت ٨٠ للسيرفرات حقت البرنامج وتقدر تدخل على الي تبغى،، بس هدا البرنامج بيتصل بالبروكسي حقك يعني كل شي يعتمد على ايش الي مسموح من قبل البروكسي سيرفر

ان شاء الله يكون وضح كلامي لاني عارف مااعرف اوصل المعلومه مزبوط:aa_kashra:

تحياتي​

 

[Diamond Ice]

اها:hmmm:

والله هم مو سامحين بالمسنجر والتورنت ولكن!

المسينجر شغلته في الشركة بواسط برنامج اسمه Pidgin ولكني فشلت مع التورنت

تتوقع في امل؟

 

[sophto_92]

العاده التورنت يكون مقفل يعني مافيش امل لانهم مايسمحو بالبروتوكول حقه :aa_anger:

لكن اذا كنت على الويندوز عندك برنامج اسمو freedom تحصله هنا www.freedom.net تقدر بعد ماتسجل عندهم وتنزل البرنامج تنزل تورنت وكل شي

على فكره بدل التورنت ليش ماتستخدم الرابيد شير:aa_okik: تقريبا كل شي تحصله وسعر الاشتراك مره عادي؟

تحياتي​

 

[ابوتركي]

ماهو اليوزر والباسورد للبرنامج عند وضعهم في خصائص الاتصال

 

[sophto_92]

ادا كان البروكسي حقك يطلب باسورد من كل شخص ،، حط الباسوورد الخاص بيك
غير كدا خلي الخانتين فاضيه

تحياتي

 

[العين الساهرة]

مشكور على البرنامج

 

[العين الساهرة]

:clapping::clapping::clapping:مشكور على البرنامج

 

[Mac Joker]

:aa_smile:

هلا اخوي اولا ثانكس مرررره عالشرح الحلو والبسيط وشكرا جدا جدا عالبرنامج

لكن اخوي ما فهمت الجزء الخاص بالماسنجر لانو انا عندي نفش المسكله ​

 

[جميل]

شكراً يابطل

بجد موضوع وحل من الوزن الثقيل ويفيد جميع الاعضاء باذن الله

الله يبارك فيك ويسعدك دووم

يسلموووو ​

 

[sophto_92]

لكن اخوي ما فهمت الجزء الخاص بالماسنجر لانو انا عندي نفش المسكله

احنا عندنا في الجامعه ندخل على الماسنجر عن طريق socks عشان كدا مطبقو في الصوره انا ،، لكن انتا كيف بتدخل الماسنجر في الويندوز مثلا ايش الاعدادات حقت الماسنجر ؟؟ عن طريق بروكسي ولا socks

تحياتي​

 

[Mac Joker]

مشكلة الماسنجر بالجامعه نقدر نقول انها شبه محلوله عندي

لانو اقدر اشغل الماسنجر بموقع هو

www.meebo.com

ولكن المشكله اللي تواجهني الحروف العربيه :hmmm:

زي ما تشوفو بالصوره

​

 

[rayan00]

اخوي يعطيك العافية على البرنامج
وعلى فكره انا معك في نفس الجامعة
والسؤال ان الصور ماطلعت